Есүс

"Христ" гэдэг нь "Тослогдсон нэгэн" гэсэн утгатай. Хүн төрөлхтнийг аврахын төлөө махан биеэр ирсэн Бурханыг ийн нэрлэдэг. Христийн шашны итгэл сүсгийн гол үндэс нь хүн төрхөөр илчлэгдсэн Аврагчид итгэх явдал юм. Бид "Христ"-ийг махбодын талаас нь харах биш, Библийн зөгнөлүүдээр дамжуулан зөв таньж мэдэн, хүлээн авч гэмээнэ аврагдах юм.

Есүс бол уг мөн чанар нь Эцэг Бурхан юм. Тэрээр хуучин гэрээний Библийн зөгнөлийн дагуу Хүүгийн байр сууриар ирж, авралд хүрэх замыг жишээ үзүүлэн зааж, шинэ гэрээгээр бидэнд мөнх амь соёрхсон юм.

Ёхова Бурхан шинэ гэрээ байгуулна гэсэн зөгнөлийн дагуу Есүс Алгасал баяраар шинэ гэрээгээ байгуулсан. Шинэ гэрээний Алгасал баяраар хүн төрөлхтөн нүглээ бүрэн уучлуулж, мөнх амь авах учиртай.

Ёхова Бурхан Есүс мөн үү? Тэд хэдийгээр тэс өөр мэт харагддаг ч махбодоор ирсэн Есүс Христийг Бүтээгч Эзэн Ёхова Бурхан мөн болохыг Библид тодорхой гэрчилдэг юм.