कार्ड सन्देश

बादलमा आउनुहुने दोस्रो आगमनका येशूज्यू

2021년 07월 08일

9599 읽음

विषयसूची

बादलमा आउनुहुने दोस्रो आगमनका येशूज्यू

येशूज्यू दोस्रो आगमनमा कस्तो स्वरूपमा आउनुहुन्छ होला ? “त्यसपछि मानिसको पुत्रलाई शक्ति र महा महिमासँग बादलमा आइरहेको तिनीहरूले देख्नेछन्”
(लूक २१:२७) । बाइबलमा ‘येशूज्यू बादलमा आउनुहुनेछ’ भनेर अगमवाणी गरिएको छ । यहाँ भनिएको बादल, के प्राकृतिक बादल हो ? होइन ।

बादल भनेको वायुमण्डलमा मात्र सञ्चय हुने चीज हो । यदि येशूज्यू दोस्रो पल्ट आकाशको प्राकृतिक बादलमा आउनुहुन्छ भने उहाँ बादलमा आउनुअघि कहाँ रहनुभएको हुनुपर्छ त ? उसोभए के उहाँ स्वर्गबाट वायुमण्डलमा ओर्लनुभएर बादलमा आउनुहुन्छ भन्ने अर्थ हो र ?

येशूज्यू आउनुहुने बादलचाहिँ आकाशको प्राकृतिक बादल नभएर दृष्टान्त हो । यसले केलाई दृष्टान्त गरेको छ होला ?

येशूज्यूको पहिलो आगमनको विषयद्वारा यो कुरालाई पत्ता लगाऔं । पुरानो करार बाइबलमा, पहिलो आगमनका येशूज्यू कसरी आउनुहुन्छ भन्ने कुरा पहिल्यै अगमवाणी गरिएको थियो । “... आकाशका बादलका साथ आइरहनुभएको एक जना मानिसको पुत्रजस्तै हुनुहुन्थ्यो ... उहाँलाई अधिकार, महिमा र सार्वभौमिक शक्ति(राज्य) दिइयो, ...(दान ७:१३-१४) । आकाशका बादलका साथ आइरहनुभएको एक जना मानिसको पुत्रजस्तै भन्नाले को हुनुहुन्छ होला ? उहाँ नै अधिकार, महिमा र राज्य पाउनुभएको व्यक्ति हुनुहुन्छ ।

“स्वर्ग र पृथ्वीमा समस्त अधिकार मलाई दिइएको छ (मत्ती २८:१८) ।” “मेरा सबै जे छन् तपाईंका हुन्, र तपाईंका जे छन् मेरा हुन् । मेरो महिमा तिनीहरूमा प्रकट भएको छ (यूह १७:१०) ।” “जसरी मेरा पिताले मलाई एउटा राज्य दिनुभयो, म पनि तिमीहरूलाई दिन्छु, ... (लूक २२:२९) ।” अधिकार, महिमा र राज्य पाउनुहुने व्यक्ति बादलमा आउनुभएका मानिसको पुत्र नै येशूज्यू हुनुहुन्छ । तर के पहिलो आगमनका येशूज्यू साँच्चैको बादलमा आउनुभयो त ? उहाँ हामीजस्तै शरीर धारण गरेर यो पृथ्वीमा आउनुभयो ।

यसकारण बादलले शरीरलाई दृष्टान्त गर्दछ । शरीर धारण गरेको मानिसलाई बादलसँग दृष्टान्त गरिएका वचनहरू बाइबलका धेरै भेट्टाउन सकिन्छ (यहू १:१२; हितो २५:१४; हिब्रू १२:१) ।

यसकारण बाइबलमा दोस्रो आगमनका येशूज्यू बादलमा आउनुहुन्छ भन्ने वचनचाहिँ पहिलो आगमनको समयमा जस्तै उहाँ फेरि पनि शरीर धारण गरी मानिसको रूपमा आउनुहुनेछ भन्ने अर्थ हो ।

किन येशूज्यू फेरि पनि मानिसको स्वरूपमा आउनुहुने होला ? त्योचाहिँ हाम्रो उद्धारको निम्ति हो । हिब्रू ९:२८ त्यसरी ख्रीष्ट ... उहाँ दोस्रो पल्ट देखा पर्नुहुनेछ, ... उद्धारको निम्ति ... ।

बादलमा आउनुहुनेछ भन्ने अगमवाणीअनुसार शरीरमा आउनुहुने दोस्रो आगमनका येशूज्यूलाई भेटेर उद्धार पाउनुहोस् भन्ने चाहन्छौं ।

पछाडि जाने

साइट नक्सा