कार्ड सन्देश

दोस्रो आगमनका येशूज्यू कहाँ आउनुहुन्छ होला ?

2021년 09월 17일

10274 읽음

विषयसूची

दोस्रो आगमनका येशूज्यू कहाँ आउनुहुन्छ होला ?

बाइबलमा पहिलो आगमनका येशूज्यू आउनुहुने ठाउँको विषयमा अगमवाणी गरिएको छ (मीका ५:२) । त्यो अगमवाणीअनुसार पहिलो आगमनका येशूज्यू बेथलेहेममा जन्मनुभयो । त्यसै गरी दोस्रो आगमनका येशूज्यू आउनुहुने ठाउँको विषयमा पनि बाइबलमा अगमवाणी गरिएको छ । त्यो ठाउँ कहाँ होला ?

यसको उत्तर जान्नको निम्ति हामीले अन्तिम उद्धारको कार्य कहाँबाट सुरु हुन्छ भन्ने कुरा जान्नुपर्छ । किनकि दोस्रो आगमनका येशूज्यू आउनुहुने उद्देश्यचाहिँ उद्धारको निम्ति हो (हिब्रू ९:२८) । तसर्थ अन्तिम उद्धारको कार्य सुरु हुने ठाउँ नै दोस्रो आगमनका येशूज्यू आउनुहुने ठाउँ हो ।

अन्तिम उद्धारको कार्य सुरु हुने ठाउँ = दोस्रो आगमनका येशूज्यू आउनुहुने ठाउँ त्यसोभए अन्तिम उद्धारको कार्य कहाँबाट सुरु हुन्छ होला ?

यसपछि ... बतासलाई रोकेर पृथ्वीका चार कुनामा उभिरहेका मैले देखें । तब जीवित परमेश्वरको मोहोर(छाप) साथमा लिई अर्को एक जना स्वर्गदूत पूर्वबाट उक्लेका मैले देखें । ... “हामीले हाम्रा परमेश्वरका दासहरूका निधारमा मोहोर नलाउञ्जेल पृथ्वी, समुद्र वा रूखहरूलाई केही हानि नगर (प्रका ७:१-३) ।” पृथ्वी वा समुद्रलाई हानि पुऱ्याउने बतासले अन्तिम विपत्तिलाई जनाउँछ । त्यो विपत्ति झर्नुअघि परमेश्वरको छाप लगाउने कार्य नै अन्तिम उद्धारको कार्य हो । यो उद्धारको कार्य कहाँबाट सुरु हुन्छ होला ? पूर्वबाट सुरु हुन्छ ।

त्यसैले दोस्रो आगमनका येशूज्यू पूर्वमा आउनुहुन्छ ।

पुरानो करारका यशैया अगमवक्ताले पनि यस्तै अगमवाणी गरेका छन् । “पूर्वबाट म शिकारी पक्षी बोलाउँछु, र टाढा देशबाट मेरो अभिप्राय पूरा गर्न म एक जना मानिसलाई बोलाउँछु (यशै ४६:११) ।” पहिलो आगमनका येशूज्यू पूर्वमा होइनकि इस्राएलमा आउनुभयो । यो अगमवाणीचाहिँ दोस्रो आगमनका येशूज्यू पूर्वमा आउनुभएर उद्धार गर्नुहुन्छ भन्ने अर्थ हो ।

त्यसोभए दोस्रो आगमनका येशूज्यू आउनुहुने पूर्वले खासमा कुन ठाउँलाई जनाउँछ होला ?

त्यो ठाउँ नै अगमवक्ताहरूले प्रकाश देखेका ठाउँदेखि पूर्व हुनुपर्छ । प्रेरित यूहन्नाले प्रकाश देखेको ठाउँ पत्मोस टापू हो, अनि यशैया अगमवक्ताले प्रकाश देखेको ठाउँचाहिँ इस्राएल देश हो । पत्मोस टापू र इस्राएल देशलाई केन्द्रबिन्दु बनाएर पूर्वको टाढाको देश खोज्ने हो भने दक्षिण कोरिया देखिन्छ ।

त्यो ठाउँ नै दक्षिण कोरिया हो भन्ने निश्चित प्रमाण नै त्यहाँबाट परमेश्वरको छाप लगाउने कार्य सुरु भएकोले गर्दा हो । बाइबलमा हेर्दा परमेश्वरको छाप नै अन्तिम विपत्तिलाई पार गराउने नयाँ करार निस्तार-चाड हो ।

त्यसैले दोस्रो आगमनका येशूज्यू आउनुहुने ठाउँमा अनिवार्य नयाँ करार निस्तार-चाडको सत्यता देखा पर्नुपर्छ । यो युगमा परमेश्वरको छाप रहेको नयाँ करार निस्तार-चाड कहाँबाट फेरि देखा पऱ्यो भन्ने कुरा के यहाँहरूलाई थाहा छ ? दक्षिण कोरियाबाट ।

त्यसैले दोस्रो आगमनका येशूज्यू आउनुहुने पूर्वी ठाउँ नै दक्षिण कोरिया हो । परमेश्वरको छाप रहेको नयाँ करार निस्तार-चाड लिएर दक्षिण कोरियामा आउनुभएका आन साङ होङज्यू नै दोस्रो दोस्रो आगमनका येशूज्यू हुनुहुन्छ ।

पछाडि जाने

साइट नक्सा