कार्ड सन्देश

मानिसको रूपमा आउनुभएका परमेश्वर

2021년 07월 13일

7734 읽음

विषयसूची

मानिसको रूपमा आउनुभएका परमेश्वर

के मानिस, परमेश्वर बन्न सक्छ ? मानिस, परमेश्वर बन्न सक्दैन । उसोभए के परमेश्वरचाहिँ मानिस बन्न सक्नुहुन्छ ? परमेश्वरचाहिँ मानिसको रूपमा जति पनि आउन सक्नुहुन्छ ।

ख्रीष्टियान धर्मको केन्द्रीय सिद्धान्त भनेकै मानिसको रूपमा आउनुभएका परमेश्वरलाई विश्वास गर्नु हो । किनभने हाम्रा निम्ति एक जना बालकको जन्म भएको छ । हाम्रा निम्ति एक जना छोरो दिइएको छ । ... अनन्तका पिता ... कहलाइनुहुनेछ (यशै ९:६) । यो अगमवाणी येशूज्यूले पूरा गर्नुभयो । वर्तमानका सबै ख्रीष्टियानहरूले यो कुरालाई विश्वास गर्छन् ।

तर २,००० वर्षअघि येशूज्यू यो पृथ्वीमा आउनुहुँदा पनि के यस्तै अवस्था थियो ?

त्यो समयका मानिसहरूले येशूज्यूलाई यस्तो बोली बोलेका थिए: “तिमी मानिस भएर पनि आफैलाई परमेश्वर तुल्याउँछौ” (यूह १०:३३) । तिनीहरूले भने, “के यो योसेफको छोरो, येशू होइन ? ... अहिले यसले कसरी ‘म स्वर्गबाट ओर्लिआएको हुँ’ भनी भन्दछ ?” (यूह ६:४२) “तिमी मानिस भएर पनि आफैलाई परमेश्वर तुल्याउँछौ” भन्दै तिनीहरूले उहाँलाई इन्कार गरे ।

मानिसको रूपमा आउनुभएका परमेश्वरलाई किन तिनीहरूले चिन्न नसकेका होलान् ? किनकि परमेश्वर मानिसको रूपमा आउन सक्नुहुन्न भन्ने पूर्वाग्रह तिनीहरूमा थियो ।

वास्तवमा परमेश्वर मानिसको रूपमा जति पनि आउन सक्नुहुन्छ । सर्वशक्तिमान् परमेश्वर बटुवाको रूपमा पनि देखा पर्न सक्नुहुन्छ, अथवा बालकको रूपमा जन्मन पनि सक्नुहुन्छ (उत १८:१-२; यशै ९:६) ।

बाइबलमा येशूज्यू दोस्रो पल्ट यो पृथ्वीमा आउनुहुनेछ भनेर अगमवाणी गरिएको छ । उहाँ कस्तो रूपमा आउनुहुन्छ होला ? त्यसरी ख्रीष्ट पनि ... दोस्रो पल्ट देखा पर्नुहुनेछ, ... उद्धारको निम्ति (हिब्रू ९:२८) । पहिलो आगमनका येशूज्यू मानिसको रूपमा आउनुभएजस्तै, दोस्रो आगमनका येशूज्यू पनि हामीजस्तै मानिसको रूपमा आउनुहुन्छ ।

बाइबलको अगमवाणीअनुसार मानिसको रूपमा आउनुहुने दोस्रो आगमनका येशूज्यूलाई ग्रहण गरी उद्धार पाउनुहोस् भन्ने चाहन्छौं ।

पछाडि जाने

साइट नक्सा