शरीरमा आउनुभएका

दोस्रो आगमनका ख्रीष्ट भन्नाले दोस्रो पल्ट आउनुहुने ख्रीष्ट हुनुहुन्छ । बाइबलमा दोस्रो आगमनका ख्रीष्ट इन्साफका प्रभुको रूपमा होइनकि मुक्तिदाताको रूपमा आउनुहुन्छ भनेर गवाही दिइएको छ । साथै उहाँ कहिले, कहाँ र कस्तो स्वरूपमा देखा पर्नुहुन्छ भन्नेबारे पनि अगमवाणी गरिएको छ ।

धेरै ख्रीष्टियानहरूले स्वर्गतर्फ हेर्दै, बादलमा आउनुहुने दोस्रो आगमनका येशूज्यूको प्रतीक्षा गरिरहेका छन् । तर येशूज्यू आउनुहुने बादल आकाशको प्राकृतिक बादल होइन ।

‘ख्रीष्ट’ शब्दको अर्थ अभिषिक्त जन हो । फेरि भन्नुपर्दा, मानव-जातिको मुक्तिको निम्ति शरीरमा आउनुभएका परमेश्वर भन्ने अर्थ हो । ख्रीष्टियान धर्मको केन्द्रबिन्दु भनेको यो पृथ्वीमा मानिसको रूपमा आउनुभएका मुक्तिदाताप्रतिको विश्वास हो । हामीले ख्रीष्टको शारीरिक स्वरूपलाई हेरेर होइन तर बाइबलको अगमवाणीद्वारा ख्रीष्टलाई सही तरिकाले चिनेर ग्रहण गरेमा मुक्ति पाउन सक्छौं ।

अधिकांश ख्रीष्टियानहरू येशूज्यूको दोस्रो आगमनको दिन नै अन्तिम इन्साफको दिन हो भनेर सोच्ने गर्छन् । तर बाइबलको गवाही फरक छ । बाइबलमा, येशूज्यू दोस्रो पल्ट आउनुभएर आफ्ना चुनिएका प्रजालाई सियोनमा भेला गर्नुहुनेछ, र त्यसपछि अन्तिम इन्साफ हुनेछ भनिएको छ ।

२,००० वर्षअघि येशूज्यूले पूरा गर्नुभएको अगमवाणीलाई हेर्नुको सट्टा उहाँको शारीरिक जीवन र वातावरणलाई हेरेका अधिकांश यहूदीहरूले शरीरमा आउनुभएका परमेश्वरलाई ग्रहण गर्न सकेनन् । मानिसको स्वरूपमा आउनुभएका ख्रीष्टमा ठेस नखानेहरूले मात्र उहाँलाई ग्रहण गर्न सक्छन् ।