ख्रीष्ट

दोस्रो आगमनका ख्रीष्ट भन्नाले दोस्रो पल्ट आउनुहुने ख्रीष्ट हुनुहुन्छ । बाइबलमा दोस्रो आगमनका ख्रीष्ट इन्साफका प्रभुको रूपमा होइनकि मुक्तिदाताको रूपमा आउनुहुन्छ भनेर गवाही दिइएको छ । साथै उहाँ कहिले, कहाँ र कस्तो स्वरूपमा देखा पर्नुहुन्छ भन्नेबारे पनि अगमवाणी गरिएको छ ।

‘ख्रीष्ट’ शब्दको अर्थ अभिषिक्त जन हो । फेरि भन्नुपर्दा, मानव-जातिको मुक्तिको निम्ति शरीरमा आउनुभएका परमेश्वर भन्ने अर्थ हो । ख्रीष्टियान धर्मको केन्द्रबिन्दु भनेको यो पृथ्वीमा मानिसको रूपमा आउनुभएका मुक्तिदाताप्रतिको विश्वास हो । हामीले ख्रीष्टको शारीरिक स्वरूपलाई हेरेर होइन तर बाइबलको अगमवाणीद्वारा ख्रीष्टलाई सही तरिकाले चिनेर ग्रहण गरेमा मुक्ति पाउन सक्छौं ।

बाइबलचाहिँ मुक्तिदाता येशू ख्रीष्टको विषयमा गवाही दिने पुस्तक हो । त्यसैले येशूज्यू स्वयम्‌ले मात्र होइनकि प्रेरितहरूले पनि बाइबलद्वारा येशू ख्रीष्ट नै मुक्तिदाता हुनुहुन्छ भनी गवाही दिए । बाइबलले गवाही दिएको मुक्तिदातालाई विश्वास नगर्नु भनेको बाइबल र परमेश्वरलाई समेत विश्वास नगर्नुसरह हो ।

त्रिएक भन्नाले पिता यहोवा, पुत्र येशू ख्रीष्ट र पवित्र आत्मा परमेश्वर एकै हुनुहुन्छ भन्ने अर्थ हो । त्रिएक हुनुभएका परमेश्वरले मुक्तिको प्रबन्धलाई ३ युगमा विभाजन गर्नुभएर प्रत्येक युगमा भिन्नाभिन्नै नाउँमा कार्य गर्नुभयो । उहाँले पवित्र आत्माको युगमा कुन नाउँमा कार्य गर्नुहुन्छ होला ?

२,००० वर्षअघि येशूज्यूले पूरा गर्नुभएको अगमवाणीलाई हेर्नुको सट्टा उहाँको शारीरिक जीवन र वातावरणलाई हेरेका अधिकांश यहूदीहरूले शरीरमा आउनुभएका परमेश्वरलाई ग्रहण गर्न सकेनन् । मानिसको स्वरूपमा आउनुभएका ख्रीष्टमा ठेस नखानेहरूले मात्र उहाँलाई ग्रहण गर्न सक्छन् ।