येशू

‘ख्रीष्ट’ शब्दको अर्थ अभिषिक्त जन हो । फेरि भन्नुपर्दा, मानव-जातिको मुक्तिको निम्ति शरीरमा आउनुभएका परमेश्वर भन्ने अर्थ हो । ख्रीष्टियान धर्मको केन्द्रबिन्दु भनेको यो पृथ्वीमा मानिसको रूपमा आउनुभएका मुक्तिदाताप्रतिको विश्वास हो । हामीले ख्रीष्टको शारीरिक स्वरूपलाई हेरेर होइन तर बाइबलको अगमवाणीद्वारा ख्रीष्टलाई सही तरिकाले चिनेर ग्रहण गरेमा मुक्ति पाउन सक्छौं ।

येशूज्यू पुनरुत्थान हुनुभएपछि, सुरुको मण्डलीका सन्तहरूले पुनरुत्थानको आशा र अझ दह्रो विश्वास लिन सके । येशूज्यूले बर्साउनुभएको पवित्र आत्माको शक्ति धारण गरेपछि आश्चर्यजनक सुसमाचारको कार्य पूरा भयो ।

विशेष गरी यशैया र मीका जस्ता पुरानो करार बाइबलका पुस्तकहरूमा येशूज्यूसम्बन्धी विस्तृत रूपमा अगमवाणी गरिएको थियो । येशूज्यूले जन्मदेखि मृत्यु, र पुनरुत्थानसम्म बाइबलमा अगमवाणी गरिएअनुसारको जीवन जिउनुभयो । किनभने उहाँ नै मुक्तिदाता हुनुहुन्छ ।

येशूज्यू मूलभूत रूपमा पिता परमेश्वर हुनुहुन्छ । पुरानो करारको अगमवाणीअनुसार पुत्रको रूपमा आउनुभएर येशूज्यूले मुक्तिको मार्ग देखाइदिनुभयो । उहाँले हामीलाई नयाँ करारद्वारा अनन्त जीवन दिनुभयो ।

यहोवा परमेश्वरले नयाँ करार स्थापना गर्नुहुनेछ भन्ने अगमवाणीअनुसार येशूज्यूले निस्तार-चाडद्वारा नयाँ करार स्थापना गर्नुभयो । मानव-जातिले नयाँ करार निस्तार-चाडद्वारा पूर्ण पाप-क्षमा र अनन्त जीवन प्राप्त गर्छन् ।

कष्टको साता भन्नाले येशूज्यूले अन्तिम निस्तार-चाड मान्नुअघि यरूशलेममा प्रवेश गर्नुभएको दिनदेखि उहाँ क्रूसमा टाँगिनुभएसम्मको साता हो । मानव-जातिको मुक्तिको निम्ति मृत्युसम्म बलिदान हुनुभएका येशू ख्रीष्टको कष्टको साताको कार्यबारे अध्ययन गरौं ।

के साँच्चै यहोवा परमेश्वर नै येशू ख्रीष्ट हुनुहुन्छ ? उहाँहरू स्वरूपमा बिलकुल फरक देखिनुभए तापनि शरीरमा आउनुभएका येशू ख्रीष्ट नै यहोवा परमेश्वर हुनुहुन्छ भनेर बाइबलमा स्पष्ट गवाही दिइएको छ ।

बाइबलचाहिँ मुक्तिदाता येशू ख्रीष्टको विषयमा गवाही दिने पुस्तक हो । त्यसैले येशूज्यू स्वयम्‌ले मात्र होइनकि प्रेरितहरूले पनि बाइबलद्वारा येशू ख्रीष्ट नै मुक्तिदाता हुनुहुन्छ भनी गवाही दिए । बाइबलले गवाही दिएको मुक्तिदातालाई विश्वास नगर्नु भनेको बाइबल र परमेश्वरलाई समेत विश्वास नगर्नुसरह हो ।

२,००० वर्षअघि येशूज्यूले पूरा गर्नुभएको अगमवाणीलाई हेर्नुको सट्टा उहाँको शारीरिक जीवन र वातावरणलाई हेरेका अधिकांश यहूदीहरूले शरीरमा आउनुभएका परमेश्वरलाई ग्रहण गर्न सकेनन् । मानिसको स्वरूपमा आउनुभएका ख्रीष्टमा ठेस नखानेहरूले मात्र उहाँलाई ग्रहण गर्न सक्छन् ।