दोस्रो आगमनसम्बन्धी अगमवाणी

दोस्रो आगमनका ख्रीष्ट भन्नाले दोस्रो पल्ट आउनुहुने ख्रीष्ट हुनुहुन्छ । बाइबलमा दोस्रो आगमनका ख्रीष्ट इन्साफका प्रभुको रूपमा होइनकि मुक्तिदाताको रूपमा आउनुहुन्छ भनेर गवाही दिइएको छ । साथै उहाँ कहिले, कहाँ र कस्तो स्वरूपमा देखा पर्नुहुन्छ भन्नेबारे पनि अगमवाणी गरिएको छ ।

धेरै ख्रीष्टियानहरूले दोस्रो आगमनका येशूज्यूको प्रतीक्षा गर्दै स्वर्गतिर हेर्ने गर्छन् । तर उहाँ आइसक्नुभयो । बाइबलको अगमवाणीअनुसार आउनुभएर नयाँ करारको सत्यता पुनर्स्थापन गर्नुभएका दोस्रो आगमनका येशूज्यू नै आन साङ होङज्यू हुनुहुन्छ ।

येशूज्यू यो पृथ्वीमा फेरि आउनुहुने समय कहिले होला ? येशूज्यूले ‘अञ्जीरको रूखको दृष्टान्त’द्वारा उहाँको दोस्रो आगमनको समयबारे निर्णायक चिन्ह जानकारी दिनुभयो ।

धेरै ख्रीष्टियानहरूले स्वर्गतर्फ हेर्दै, बादलमा आउनुहुने दोस्रो आगमनका येशूज्यूको प्रतीक्षा गरिरहेका छन् । तर येशूज्यू आउनुहुने बादल आकाशको प्राकृतिक बादल होइन ।

अधिकांश ख्रीष्टियानहरू येशूज्यूको दोस्रो आगमनको दिन नै अन्तिम इन्साफको दिन हो भनेर सोच्ने गर्छन् । तर बाइबलको गवाही फरक छ । बाइबलमा, येशूज्यू दोस्रो पल्ट आउनुभएर आफ्ना चुनिएका प्रजालाई सियोनमा भेला गर्नुहुनेछ, र त्यसपछि अन्तिम इन्साफ हुनेछ भनिएको छ ।

दाऊद र येशूज्यूबीचको अगमवाणीगत सम्बन्धद्वारा, हामीहरू येशूज्यूले पूरा गर्नुहुने कार्यबारे जान्न सक्छौं । दाऊदले भौतिक सियोन निर्माण गरेजस्तै, येशूज्यूले पनि चाडहरू मनाइने आत्मिक सियोन निर्माण गर्नुभयो । परमेश्वरको चाड मनाइने आत्मिक सियोन यो युगमा पुनर्स्थापना हुनुपर्छ ।

दाऊद र येशूज्यूबीच अगमवाणीगत सम्बन्ध छ । दाऊदको जीवनीमा लुकेको रहस्यद्वारा हामीले, आत्मिक राजा दाऊदको रूपमा आउनुहुने दोस्रो आगमनका येशूज्यूको बारेमा जान्न सक्छौं ।

मानव-जाति अनन्तकाल बाँच्ने रहस्य बाइबलभित्र छ । त्यो रहस्य नै अदनको बगैँचामा भएको जीवनको रूखको फल हो । दोस्रो आगमनका ख्रीष्ट आन साङ होङज्यूले नयाँ करार निस्तार-चाड पुनर्स्थापन गर्नुभएर यो रहस्य जाहेर गरिदिनुभयो ।